ڕۆژا پێنچشەمبى ڕێكـکــەفتى (٢٠٢٣/٨/٣١) لژێر چاڤدێرى و پشتەڤانیا سەرۆكێ‌ زانكۆیێ‌ هێژا (پ.د. ناظم سليمان عبدالعزیز) و ب ئامادەبوونا ڕێڤەبەرێ‌ سەنتەرێ‌ پێداگۆجى و پەرەپێدانا ئەكادیمى بەرێز (پ.هـ.د. ستار جبار حاجی)  و بەرێز ڕێڤەبەرێ‌ گشتییێ‌ پەروەردا زاخۆ بەرێز (إبراهیم أنور إبراهیم) هەروەسا بەرێزان مامۆستایێن خۆلێ‌ بەرێز (پ.هـ.د. زاهد سامی محمد) و (پ.هـ.د. محمد مهدی مبارك) و بەرێز (مهدی صالح یعقوب) ڕێڤەبەرێ‌ مەشق
و ڕاهێنانێ‌ ل پەروەردا زاخۆ، خۆلا پەرەپێدانا شیانێن ڕاهێنەریێ‌ د بیاڤێ‌ پێداگۆجى و چەوانیا سەرەدەریكرنێ‌ دگەل مامۆستا و قوتابیان  ب دویماهیك هات، ئەوا هاتییە دەستپێكرن ل ڕێكـکــەفتی (٢٠٢٣/٨/٢٧) لدویف داخوازا ڕێڤەبەریا گشتییا پەروەردا زاخۆ بۆ ڤەكرنا ڤێ‌ خۆلێ‌.
ل دەستپێكێ‌ ڕێڤەبەرێ‌ سەنتەرێ‌ پێداگۆجى بخێرهاتنا ڕێڤەبەرێ‌ پەروەردا گشتییا زاخۆ و بەرێزێن د گەلدا كر، و هەردوو ئالیان گرنگیا هەبوونا هەماهەنگیێ دناڤبەرا زانكۆیێ‌ بگشتى و ب تایبەتى سەنتەرێ‌ پێداگۆجى دیاركر د بیاڤێ‌ پێگەهاندنا مامۆستایاندا، هەژى گوتنێ یە كۆ خۆل بۆ دەمێ حەفتییەكێ‌ یا بەردەوام بوو، و (٢٥) مامۆستایێن ڕاهێنەر یێن ب سەر ڕێڤەبەریا گشتییا پەروەردا زاخۆ ڤە  بەشداربوون د خۆلا ناڤبریدا.
ل دوماهییێ ڕێڤەبەرێ‌ سەنتەرێ‌ پێداگۆجى داخوازا سەركەفتنێ‌ بۆ هەمى پشکدارێن خۆلێ‌ خواست د كارێ‌ ئەوان یێ‌ نویدا.